7NEWS.az yazdı, Eldar Əzizov reaksiya verdi: SAKİNLƏRİN "PASSAGE 145"lə BAĞLI ŞİKAYƏTİ TƏMİN EDİLDİ+FOTOLAR

OXUNUB: 4023 GÜNDƏM Seçilmiş Önəmli HADİSƏ

Bu günlərdə 7NEWS.az xəbər saytında Bakının ən hərəkətli küçəsi olan "Tarqovı”nın tam mərkəzində fəaliyyət göstərən restoranın vətəndaşların gediş-gəliş yolunu zəbt etməsi ilə bağlı yazı dərc etmişdik.

Məlumatda qeyd olunurdu ki, bu barədə 7NEWS.az-a ərazidə yaşayan sakinlər məlumat veriblər. Onların sözlərinə görə, bugünlərdə Nigar Rəfibəyli b/37 ünvanında fəaliyyət göstərən "PASSAGE 145" restoranı vətəndaşların hərəkəti üçün nəzərdə tutulan yolun sağ və sol tərəfinə masalar yerləşdirərək ərazini tamamilə zəbt ediblər: "Restoran yeni işə başlayanda yalnız yolun sağ tərəfinə masalar yerləşdirmişdi. Bunun özü də şəhərin mərkəzi sayılan bu ərazidən keçən vətəndaşların rahat hərəkəti üçün problem yaradırdı. Amma düşündük ki, biraz səbr edək, yaydır, qoy işləsinlər. Ancaq bundan ruhlanan restoran sahibləri artıq neçə gündür ki, yolun sol tərəfin də "işğal ediblər”.Üstəlik ortada qalan kiçik cığıra da qəlyan və "ventilyator” yerləşdiriblər. Açıq şəkildə deyirlər ki, bu kafedə oturmayacaqsınızsa, bu yoldan keçməyin”.
Sakinlərin sözlərinə görə, 1 gün öncə restoranın yolun ortasına qoyduğu qəlyan cihazı kiçik yaşlı uşaqlardan birinin üzərinə düşüb: "Ətrafdakılar dərhal müdaxilə etməsəydilər, uşaq ağır xəsarət alacaqdı”.
Şikayətçilər bildirirlər ki, onlar yaranmış vəziyyətlə bağlı ərazi üzrə Mənzil İstismar Sahəsinə (JEK) müraciət etsələr də, sahə rəhbərliyi "bizim onlara gücümüz çatmır, razılığı "Baksovet”dən alıblar” şəklində cavab verib. Sakinlər restoran tərəfindən zəbt olunan yolun açılması üçün Bakı Şəhər İcra Hakimiyyətinin başçısı Eldar Əzizovdan kömək gözləyirdilər.

Bizim foto və videofaktla müşaiyət olunan yazımıza Bakı Şəhər İcra Hakimiyyətinin başçısı Eldar Əzizov dərhal reaksiya verib. Belə ki, icra başçısı sakinləri narahat edən məsələ ilə bağlı sözügedən əraziyə özü şəxsən gedib, özbaşınalığın şahidi olub və elə yerindəcə sakinlərin maraqlarına uyğun olaraq restoranın qanunsuz fəaliyyət göstərən bu hissəsinin bağlanması ilə bağlı qərar verib. Bu barədə İcra Hakimiyyətinin rəsmisi İsrafil Kərimov məlumatı saytımıza təsdiq edib. 

Bundan sonra onlarla Bakı sakini redaksiyamıza zəng edərək Eldar Əzizova göstərilən diqqət, qayğı və səmimiyyətdən dolayı təşəkkür ediblər.

7NEWS.az olaraq hesab edirik ki, Eldar Əzizovun bu formada yanaşması digər başçılar üçün örnək olmalıdır. Sakinləri narahat edən sosial problemlərə bu müstəvidəyanaşma əslində Prezident İlham Əliyevin tapşırıq və tövsiyyələrindən irəli gəlir.

7NEWS.az



 

RƏYLƏR