9 il qadın alveri edən Amani ilə bağlı yeni – Qərar

OXUNUB: 564 SOSİAL
Azərbaycanda 9 il insan alveri ittihamı ilə bağlı axtarışda olan və bu il həbs edilən Bakı şəhər sakini, 1975-ci il təvəllüdlü Amani Əhmədovanın həbs qətimkan tədbirinin uzadılması ilə bağlı istintaq orqanının təqdimatına baxılıb.

İcmal.Az publika.az-a istinadən xəbər verir ki, Nərimanov rayon Məhkəməsində hakim Vüsal Qurbanovun sədrliyi ilə baş tutan iclasda istintaq orqanını təqdimatı təmin edilib.

Əlavə istintaq hərəkətləri aparılması üçün Amani Əhmədovanın həbs müddəti daha iki ay müddətinə artırılıb.

İttihama görə, İnsan Alverinə qarşı Mübarizə Baş İdarəsinin əməkdaşları tərəfindən keçirilən əməliyyat-axtarış tədbirləri nəticəsində insan alverçisi olaraq beynəlxalq axtarışda olan Bakı şəhər sakini, 1975-ci il təvəllüdlü Amani Əhmədova bu ilin aprelin 30-da həbs edilib.

Məlumata görə, Amani Əhmədova 2007-2009-cu illər ərzində Azərbaycan vətəndaşı olan qadınları Birləşmiş Ərəb Əmirliklərinin Dubay şəhərinə aparıb, orada onların cinsi istismara məruz qoyub.

Dubaydan geri qayıdan zərərçəkmiş qadınlar İnsan Alverinə qarşı Mübarizə Baş İdarəsində dindiriliblər. Onlar Amani Əhmədova tərəfindən aldadılaraq Dubaya aparıldıqlarını, orada cinsi təcavüzə məruz qaldıqlarını qeyd ediblər.

Bu səbəbdən Amani Əhmədovanın barəsində Cinayət Məcəlləsinin insan alveri maddəsi ilə ittiham irəli sürülüb, 2009-cu ildə axtarış elan edilib.

Həmin vaxtdan Amani Əhmədovanın barəsində həbs qətimkan tədbiri seçilib, İnterpol kanalları ilə beynəlxalq axtarışa verilmişdi.

İstintaq orqanı tərəfindən Amani Əhmədovanın barəsində Cinayət Məcəlləsinin 144-1.2.5-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən insan alveri törətmək) maddəsi ilə ittiham elan edilib.
 

İcmal.Az

RƏYLƏR