Balıkesirdə qandonduran cinayət baş verib. 

İcmal.Az Türkiyə saytına istinadən xəbər verir ki, iki dost birləşərək yaşlı qonşusu Arif Savaşı evlərinə dəvət edib, 4 və 5 yaşlı uşaqlarının gözü qarşısında vəhşicəsinə öldürüblər. 4 yaşlı qız psixoloqun köməkliyi ilə cinayəti olduğu kimi polislərə danışıb. 

Belə ki, iki kişinin xalça daşıdığını görən qonşular oğurluqdan şübhələnib polis çağırıblar. Hadisə yerinə gələn polislər kişi cəsədi ilə qarşılaşıblar. Araşdırma zamanı bəli olub ki, cəsəd 80 yaşlı Arif Savaşa aiddir. Arif Savaşın yaxınları istintaqa ifadə verən zaman onun azyaşlı uşaqları olan qonşusu Osman Ö-yə maddi yardım göstərdiyi ortaya çıxıb. Osmanın səhər xalça yumasından şübhələnən polislər cinayətin üstünü açıblar. 

Araşdırmalar zamanı Osman dostu Şahinlə birlikdə Arif Savaşı evlərinə dəvət etdiyi və iki azyaşlı uşaqlarının gözü önündə onun başına taxta parçası ilə vurub, yastıq ilə boğub öldürdükləri ortaya çıxıb. Polislər Osmanın evindən Arif Savaşa aid pul və zinət əşyaları axtarıblar. Polislər psixoloqun köməkliyi ilə cinayətkarın 4 qızından ifadə alıblar. Uşaq atasının cinayəti necə törətdiyini olduğu kimi polislərə danışıb.