Avstriyanın XİN rəhbəri və ATƏT-in hazırkı sədri Sebastyan Kurts müsəlman ailələrindən olan uşaqlar üçün nəzərdə tutulan uşaq bağçalarının bağlanmasını təklif edib.
İcmal.Az RİA Novosti-yə istinadən xəbər verir ki, S.Kurts bu barədə Kurier nəşrinin təşkil etdiyi müzakirə klubunun aparıcısının müsəlman uşaqlar üçün uşaq bağçalarının bağlanmasının labüdlüyünə dair suala cavab verərkən bildirib.
"Onlar lazım deyil. Müsəlman uşaq bağçaları mövcud olmamalıdır”, - S.Kurts bildirib.
O, həmçinin qeyd edib ki, belə uşaq müəssisələri həm mədəni, həm də dil sahəsində uşaqları təcrid edir.
İcmal.Az
