Tanınmış müğənni Xatirə İslam sosial şəbəkədə yeni foto paylaşıb.

İfaçı Şəhid Müşfiq Orucovun ailəsini ziyarət edib. O şəhidimizin anası ilə fotosunu paylaşaraq bunları qeyd edib:

"Bu gün dəyərli savadlı 600 bal toplamış şəhidimiz Müşfiq Orucovun anasını ziyarət etdim. Allah bütün şəhid qardaşlara rəhmət eləsin. Həyatda bir tək insan qarşısında baş əyərəm o da şəhid anasıdır. Nurlu, mərd, zəhmətkeş, qeyrətli analara canımız qurban olsun"

Qeyd edək ki, Müşfiq Orucov 700 balla Azərbaycan Texniki Universitetinin avtomatika və kompyuter texnikası fakültəsinə qəbul olub. Universitetdə oxuya-oxuya həm də şadlıq sarayında ofisiant işləyib. O, havalar isinəndə axşam 7-dən səhər 7-yə qədər dondurma sexində çalışırmış. Orucov sonuncu dəfə 2016-cı ilin yanvarda valideynilərilə görüşüb. O, Naftalan şəhərində hərbi xidmətdə olub. Sonuncu dəfə 2016-cı il 29 martda atası Müşfiqlə danışıb.

Müşfiq 2016-cı ilin aprel döyüşlərində qəhrəmanlıq göstərərək şəhidlik zirvəsinə ucalıb.

Şəhidimiz Hövsan qəsəbəsində yerləşən "Dədə Qorqud” qəbristanlığında torpağa tapşırılıb.


Sözügedən fotonu təqdim edirik:/big