Bakıda ahıl qadını avtomobil vurub, sürücü isə hadisə yerindən qaçıb.
İcmal.Az "Report"a istinadla xəbər verir ki, hadisə Sabunçu rayonunda baş verib.
Balaxanı qəsəbəsində yolu keçmək istəyən 1956-ci il təvəllüdlü Babayeva Rəfiqə Fərhad qızını minik avtomobili vurub. Yaralı ağır xəsarət alıb.
Hadisəni törədən sürücü yaralıya kömək göstərmək əvəzinə, hadisə yerini avtomobili ilə birlikdə tərk edib. Yaralı təcili yardım avtomobili ilə xəstəxanaya yerləşdirilib.
Faktla bağlı Sabunçu Rayon Polis İdarəsində araşdırma aparılır.
İcmal.Az
