Bakının Sabunçu rayonunda yol nəqliyyat hadisəsi baş verib.
Hadisə Aeroport yolunda qeydə alınıb. "Koroğlu” metrosu istiqamətində yüksək sürətlə hərəkətdə olan "Lexus” markalı avtomobilin sürücüsü idarəetməni itirib. Əsas yoldan çıxan avtomobil dəmir arakəsmələrə çırpılıb və daha sonra isə yardımçı yolda aşıb.
Qəza nəticəsində avtomobil tam yararsız hala düşüb. Maşında olan sürücü və sərnişin xəsarət alıb. Yaralılar taksi ilə xəstəxanaya çatdırılıb. Hadisə yerində polis əməkdaşları olublar. Faktla əlaqədar avtotexniki ekspertiza təyin edilib./Yenicag.az
İcmal.Az
