Dünya şöhrətli model Emili Ratajovski Avstraliyaliyanın "Harpers Bazaar” jurnalının avqust nömrəsinin üz qabığına çəkilib. 26 yaşlı model jurnala karyerasının inkişafına dair müsahibə verib. 2013-ci ildə Robin Tikin "Blurred Lines” kilipinə çəkildikdən sonra məşhurlaşan Emili təəssüflə etiraf edib ki, döşlərinin böyük olması ona karyerasında mane olur:

"Mənimlə tez-tez işləmək istəmirlər, çünki sinəm çox böyük. İnsanlar hesab edirlər ki, mən həddən artıq seksualam, bu da mənə mane olur. Başa düşmürəm ki, onları sinəmdə nə narahat edir. O, qadın bədəninin çox mühüm hissəsidir. Böyük və ya kiçik olması niyə bu qədər problem olmalıdır?!”

Yeri gəlmişkən, xatırladaq ki, Emili qadınların öz seksuallığını nümayiş etdirməsini tənqid edənlərə qarşı çıxıb. Model əmindir ki, siyasətdə və digər ciddi məsələlərdə baş çıxartmaq və bu zaman zahirən cəlbedici görünmək də olar. Həmçinin Emili sevgilisinin onunla feminizm baxışlarını bölüşdüyünü bildirib:

"Sevgilim Ceff Magid özünə əmindir və onu anası böyüdüb. O, qadınları sevir, onlara vurğundur, həm də hörmət edir. Bu səbəbdən də məni yaxşı başa düşür”./publika