"Hərbi qulluqçuların statusu haqqında” Qanunun müzakirəsi zamanı guya Milli Məclisin sədri Sahibə xanım Qafarovanın "hərbçilərə ikiqat maaş lazım deyil” fikrini səsləndirməsi uydurulmuş yalan məlumatdır”.
Bu fikirləri Milli Məclisin deputatı Əli Hüseynli bildirib.
Deputat qeyd edib ki, ümumiyyətlə Milli Məclisin sədri tərəfindən hərbçilərin maaşı ilə bağlı hər hansı fikir söylənilməyib:
"Sosial şəbəkə istifadəçiləri tərəfindən əsası olmayan bu cür məlumatların yayılması əsassızdır. Həmçinin o da məlumdur ki, Qarabağ hazırda döyüş bölgəsi yox, quruculuq və qayıdış bölgəsidir və orada xidmətdə olan hərbi qulluqçuların bütün məsələləri də daima dövlətin diqqət mərkəzindədir”
