Mançester şəhərində filmlərdə baş verən hadisələr tipli olay yaşanıb.
İcmal.Az The Sun-a istinadla xəbər verir ki, əvvəllər mebel ustası olan 27 yaşlı Maykl Marler ( Michael Marler ) 24 yaşlı sevgilisi Daniell Riçardsonu ( Danielle Richardson ) evində bıçaqlayaraq öldürüb.
O, hadisə yerindən qaçmaq üçün pəncərədən atlayıb. Maykl 8 metr hündürlükdən binanın yaxınlığına park edilmiş avtomobilin üzərinə düşüb.
Maykl yerə düşdükdən sonra aşağıdakı kişiylə dalaşıb və avtomobili qaçıraraq oradan uzaqlaşıb.
Bu ilin fevral ayında baş verən hadisənin görüntüləri dünən məhkəmədə nümayiş etdirilib. Maykl hakim qarşısında etirafında bildirib ki, cinayət törədən zaman narkotik maddənin təsiri altında olub.
İcmal.Az
