Fransanın ədliyyə naziri Fransua Bayru istefa verib.

AFR-ə verilən bəyanata görə, iyunun 21-də keçirilən parlament seçkilərindən sonra Bayru, formalaşdırılacaq yeni Nazirlər Kabinetinə daxil olmayacağını bildirib.

F.Bayru mərkəzçi "Demokratik Hərəkat” Partiyasının təmsilçisidir və ölkə prezidenti Emmanuel Makronun "İrəli, Respublika” hərəkatı ilə birlikdə parlament seçkisində səslərin çoxunu qazanıb. Parlament seçkilərinin birinci turunun keçirilməsinə az qalmış Paris Prokurorluğu "Demokratik Hərəkat” Partiyasının rəhbərliyinə qarşı cinayət işi açdığını bildirib.

Reuters agentliyinin məlumatına görə, nazir maliyyə vəsaitinin xərclənməsində sui-istifayə yol verməkdə şübhəli bilinir. Məlumata görə, partiya funksionerləri Avropa Parlamentində deputat köməkçisi kimi sənədləşdirərək, onlara Fransa parlamentinin büdcəsindən aylıq əmək haqqı verilib.

Bu qalmaqalla bağlı partiyanın daha bir lideri, Avropa İttifaqı işləri üzrə nazir Mariel de Sarnez, Fransu Bayru kimi ittihamları rədd etsə də, istefa verib. 

Qeyd edək ki, ötən gün Fransanın müdafiə naziri Silvi Qular saxta iş yerlərinin yaradılması şübhəsi ilə barəsində başlanılmış cinayət işi ilə əlaqədar istefa vermişdi. /oxu

 

İcmal.Az