30 yanvar tarixində deputatlığa namizəd Müşfiq Cəfərov 39 saylı Kəpəz birinci (Gəncə) seçki dairəsinin ərazisinə daxil olan Hacıkənd Qəsəbəsində yaşayan sakinlərlə görüşdü.
Təbliğat-təşviqat qrupunun üzvü Sahib Əmiraslanov açılış nitqinə başlayaraq görüşün məqsədi barədə, Müşfiq Cəfərovun təhsili və Gəncə şəhərindəki fəaliyyətləri ilə bağlı ətraflı məlumat verdi. Yeni nəsil Azərbaycan gəncinin, ölkənin və Gəncə şəhərinin gələcək uğurlu işlərində fəal olacağına inandığını əlavə etdi və Hacıkənd Qəsəbəsi sakinlərini yeni Parlamentin qurulmasında aktiv iştiraka səslədi.
Görüşlərin sonunda çıxış edən Müşfiq Cəfərov sakinlərə zaman ayırdıqları, soyuq havada toplaşıqları və onu dinlədikləri üçün minnətdarlığını bildirdi. Seçkilərin nəticəsindən asılı olmayaraq Ölkəmiz və millətimizin inkişafı üçün töhfəsini verməyə davam edəcəyini vurğuladı. Əhalinin təklifləri və onları narahat edən problemlər dinlənildi, müvafiq qeydlər aparıldı.
