İŞİD terror qruplaşması Hələbdən geri çəkiləndə dəhşətli üsula əl atıb.
Vilayətin terrorçulardan təmizlənmiş ərazilərinə qayıdan sakinlər bildiriblər ki, İŞİD yandırılmış torpaq taktikasından istifadə edib.
Aran kəndinin sakini çörəkbişirən Əhməd əs-Səfər bildirib ki, müharibəyə qədər onun çörəkxanası gün ərzində 15 ton çörək məmulatı istehsal edərək 36 yaşayış məntəqəsinin ehtiyacını təmin edib. O, deyib: "Suriya ordusu kəndə doğru hərəkət edəndə terrorçular çörəkxananın bütün qurğularını sökərək özləri ilə aparıblar".
Aqronom Usamə Obeyd deyib: "Terrorçular sosial infrastruktur obyektlərini dağıdıb məhv ediblər. Onlar düşünüblər ki, belə olsa, dinc sakinlər yurd-yuvalarına qayıtmağa risk etməyəcəklər".
Hüseyn Həc İbrahim bildirir ki, İŞİD-çilər dinc sakinlərə sağ qalma şansı vermirlər: "Biz Aranı tərk etdik. Bu zaman artıq terrorçular kəndliləri qətlə yetirirdilər. Bir gün ərzində onlar 10 nəfəri qətlə yetirdilər. Əvvəllər kənddə 15 min əhali yaşasa da, indi bu rəqəm 1200-ə düşüb".
Eyni zamanda bildirilir ki, kənd azad edildikdən sonra tibb məntəqəsi işə düşüb./olke.az
İcmal.Az
