Azərbaycan prezidenti İlham Əliyevin Qazaxıstana səfəri başlayıb.
Dövlət başçısını hava limanında Qazaxıstanın baş nazirinin müavini Yerbolat Dosayev və Astana hakiminin müavini Kosman Aytmuhametov qarşılayıblar.
Qeyd edək ki, 10-11 sentyabr tarixlərində Astanada Müstəqillik Sarayında Qazaxıstan prezidenti Nursultan Nazarbayevin sədrliyi ilə ilk dəfə İƏT-in elm və texnologiyalar üzrə sammiti keçiriləcək.
Sammitdə İƏT-ə üzv ölkələrdən 80-ə yaxın nümayəndə heyəti iştirak edəcək
Sabah Astanada həmçinin beynəlxalq ixtisaslaşdırılmış EXPO-2017 sərgisinin təntənəli bağlanış mərasimi keçiriləcək.
İcmal.Az