Çin lideri: “Azərbaycanda siyasi sabitlik hökm sürür”

OXUNUB: 422 index-manşet SİYASƏT
Çin Xalq Respublikasının Sədri Si Cinpin Azərbaycan prezidenti İlham Əliyevi 28 May-Respublika Günü münasibəti ilə təbrik edib.


İcmal.Az-ın məlumatına görə, onun məktubunda deyilir:

"Hörmətli cənab Prezident. Milli bayramınız – Respublika Günü münasibətilə Sizi və dost Azərbaycan xalqını Çin Xalq Respublikasının Hökuməti və xalqı adından və şəxsən öz adımdan səmimi təbrik edir, ən xoş arzularımı bildirirəm.

Sizin rəhbərliyiniz ilə Azərbaycanda siyasi sabitlik hökm sürür, ölkə iqtisadiyyatı sürətlə inkişaf edir, insanların həyat səviyyəsi davamlı olaraq yüksəlir. Çin Hökuməti Azərbaycanın dövlət quruculuğu, sosial-iqtisadi inkişaf sahələrində əldə etdiyi müvəffəqiyyətlərə sevinir.

Mən Çin-Azərbaycan münasibətlərinə böyük diqqət yetirirəm. "Bir kəmər-bir yol”un birlikdə yaradılması niyyətimizdən istifadə edərək, Sizinlə ikitərəfli münasibətlərimizin və müxtəlif sahələrdə işgüzar əməkdaşlığımızın yeni inkişafını birgə səylərimizlə irəlilətməyə hazıram.

Azərbaycanın daha da qüdrətli olmasını və inkişaf etməsini arzulayıram. Sizə möhkəm cansağlığı, Azərbaycan xalqına xoşbəxtlik və əmin-amanlıq diləyir, ən xoş arzularımı bildirirəm”.

Eyni zamanda Serbiya Respublikasının Prezidenti Tomislav Nikoliç, Efiopiya Federativ Demokratik Respublikasının Prezidenti Mulatu Teşome, Kuba Respublikasının Dövlət Şurasının və Nazirlər Şurasının Sədri Raul Kastro Rus da Azərbaycan prezidenti İlham Əliyevi 28 May-Respublika Günü münasibəti ilə təbrik edib.
 
İcmal.Az

RƏYLƏR