İslamiadada boksçumuzun 1/4 finalda rəqibi bəlli oldu

OXUNUB: 857 İDMAN

Bakıda keçirilən IV İslam Həmrəyliyi Oyunlarında Azərbaycan millisinin daha bir boksçusunun rəqibi bəlli olub.

İcmal.Az xəbər verir ki, Azərbaycan Boks Federasiyasından Trend-ə verilən məlumata görə, 49 kq çəki dərəcəsində mübarizə aparacaq Rüfət Hüseynov 1/4 finalda İran boksçusu Omid Əhmadisafa ilə üz-üzə gələcək.

R.Hüseynovun rəqibi bu gün keçirilən 1/8 final döyüşündən sonra bəlli olub. Türkiyə idmançısı Tolqahan Öztürkü mübarizədən kənarlaşdıran İran boksçusu O.Əhmadisafa R.Hüseynovla qarşılaşmaq hüququ əldə edib.

R.Hüseynovun O.Əhmadisafa ilə görüşü mayın 15-də olacaq.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

İcmal.Az

RƏYLƏR