İtaliyanın Pyemont bölgəsinin Kuarnento kommunasında qeyri-yaşayış binasında partlayışla müşayiət olunan yanğın baş verib, nəticədə iki nəfər ölüb.
Bu barədə xilasetmə xidməti "Twitter" hesabında məlumat yayıb.
"Təxminən yerli vaxtla gecə saat 02:00 radələrində yaşayış olmayan binada partlayış baş verib. İki xilasedici həlak olub, bir nəfər isə itkin düşüb”, - deyə bildirilib.
Partlayış zamanı bir neçə nəfərin yaralandığı da qeyd olunub.
İlkin məlumata görə, partlayış xilasedicilər binadakı yanğını söndürən zaman baş verib.
