Azərbaycanın Özbəkistandakı diasporasının ilk qurucusu və hal-hazırda fəxri sədri olan Mobil Məmmədov dələduzluq faktı ilə qarşılaşdığıni bildirib. Vətəninfo.az xəbər verir ki,Azərbaycanda məhşur ticarət mərkəzlərindən olan "Mado" restoranlar şəbəkəsinin sahibi Ramiz Kazımov Özbəkistandakı Azərbaycan diaspora rəhbərlərindən Mobil Məmmədova olan 178 min dollar olan borcunu bu günə qədər qaytarmır.
Hələ 2014-cü ildə dələduzluqla qarşılaşdığını bildirən M. Məmmədov bu günə qədər ona məxsus olan pulunu Ramiz Kazımovdan ala bilmir.
Mobil Məmmədov açıqlamasında bildirib ki, Ramiz Kazımov borcu qaytarmaq yerinə qaçıb gizlənir:
" Artıq neçə gündü Bakıdayam. Lakin bu günə qədər Ramiz Kazımovla görüşə bilməmişəm. Hər dəfə onunla görüşə cəhd etsəm də o qaçıb gizlənir.Neçənci dəfədir ki,gəlirəm.Hər dəfə də pulu qaytarmaq yerinə mənə müxtəlif adamlarla xəbər göndərərək FETO ilə hədələyir. Bununla bağlı əlimdə faktlar var. "Mado" restoranlar şəbəkəsinin sahibi Ramiz Kazımov mənə deyir ki, arxamda Xoca Əfəni(Fətullah Gülən) durub, FETO məni dəstəkləyir, əlindən gələni nə bilirsən et".
Qarşı tərəflə əlaqə yaratmağa çalışsaq da, bu cəhdlərimiz uğursuz oldu. Ramiz Kazımov telefon zənglərimizə cavab vermədi.
