Səudiyyə Ərəbistanının Məkkə şəhərində cinayətdə ittiham olunan kişi edam edildikdən sonra çarmıxa çəkilib.
İcmal.Az Sputnik-ə istinadən xəbər verir ki, myanmarlı Elias Abulkalam Camaledden edam edildikdən sonra çarmıxa çəkilərək xalqa nümayiş etdirilib.
Səudiyyə Ərəbistanının Daxili İşlər Nazirliyi Camaleddenin bir qadının evində silahla girdiyini, evdə atəş açdığını, daha sonra qadını bıçaqlayaraq öldürdüyünü bəyan edib. Məhkum silah oğurluğu, qadından başqa bir nəfəri də qətlə yetirməkdə ittiham olunub.
Onun başı kəsilərək edam edilib.
"Bloomberg”in verdiyi məlumata görə, Səudiyyə Ərəbistanında sonuncu çarmıxa çəkərək edam etmə faktı 2010-cu ildə qeydə alınıb.
İcmal.Az
