Buna səbəb Pampersin üzərində ərəbcə "Məhəmməd" yazılmasıdır.

Belə ki, hindistanlı aktivistlərin dediyinə görə, pampersin üzərinə çəkilən pişik şəklinin kirpiyində gözəçarpmayacaq dərəcədə Məhəmməd sözü yazılıb.

Pampersi yandıran şəxslər bunu müsəlmanlara təhqir kimi qəbul ediblər. Onlar məhsulu yandırarkən çəkilən videonu sosial şəbəkəyə yükləyərək müsəlmanları Pampers məhsullarını almamağa çağırıblar. Video 200 min dəfə izlənilib.

Kənd sakinləri bu barədə polisə də müraciət ediblər. Onlar bildiriblər ki, "Procter & Gamble" şirkəti müsəlmanlara qarşı hörmətsizlik edir. Kəndlilər bu şirkətin məhsullarının satışdan çıxarılmasını tələb ediblər.

"Procter & Gamble" şirkəti sosial şəbəkədə yayılan məsələ ilə bağlı The Sun-a açıqlama verməyə məcbur qalıb. Şirkət deyilənləri təkzib edib.

"Sosial şəbəkələrdə yayılan videolar barədə məlumatımız var. Deyilənlər yalandır. Orada, sadəcə, məsum pişik şəkli çəkilib. Çəkilən cizgilərin arxasında hansısa dini və ya şəxsi təhqir etmək niyyətimiz yoxdur".

İcmal.Az