Energetiklər qəsəbəsində istifadəyə verilən 8-ci nümunəvi məhəllənin açılışı fevralın 12-də baş tutdu. Şəhər İcra Hakimiyyətinin başçısı İlham İsmayılov, İcra Hakimiyyətinin nəzdindəki məşfərət şurasının üzvləri, aparatın məsul şəxsləri, mətbuat işçiləri ilə yanaşı Naxçıvan küçəsi 50/1, 50/2, 52/1 nömrəli binalarının əksər sakinləri açılış mərasimində iştirak edirdilər. Nümunəvi məhəllənin hazırlanmasında Mənzil Kommunal Təsərrüfatı Kombinatının və işıqlandırma idarəsinin işçiləri yaxından iştirak ediblər.
Nümunəvi məhəllədə çoxlu sayda ağaclar, o cümlədən 54 sərv ağacı, 82 çinar ağacı əkilmişdir. Burada uşaq əyləncə qurğuları, uşaqlar üçün məhəccərlər, turnuklər, sürüşkənlər, oturacaqlar, iki söhbətgah, zibil atmaq üçün qablar, işıqlandırma sistemi hazır vəziyyətə gətirilmişdir.
