“Muğanbank” ASC və Azərbaycan Milli Konservatoriyası vətənpərvərlik mövzusunda birgə musiqili tədbir həyata keçiriblər - VİDEO

OXUNUB: 1630 Özəl İQTİSADİYYAT BANK

7NEWS.az xəbər verir ki, "Muğanbank" ASC və Azərbaycan Milli Konservatoriyası vətənpərvərlik mövzusunda birgə musiqili tədbir həyata keçirmişdir.

Bugün 18 Oktyabr Azərbaycan Respublikasının Dövlət Müstəqilliyi günüdür. Bu münasibətlə "Muğanbank" ASC Azərbaycan xalqını təbrik edir. Dövlət müstəqilliyimizin növbəti ildönümü ilə əlaqədar olaraq, "Muğanbank" ASC və Azərbaycan Milli Konservatoriyası vətənpərvərlik mövzusunda birgə musiqili tədbir həyata keçirmişdir. Tədbirin məqsədi həmçinin hal-hazırda dövlətimizin müstəqilliyi, suverenliyi və ərazi bütövlüyü uğrunda rəşadətlə döyüşən müzəffər Azərbaycan ordusuna dəstək göstərmək və yeni qələbələrə ruhlandırmaqdır.

Qeyd edək ki, tədbirdə Azərbaycan Respublikasının Dövlət himni və Qarabağ şikəstəsi səsləndirilmişdir.

Tədbir zamanı COVID-19 pandemiyası ilə əlaqədar ölkəmizdə tətbiq edilən karantin qaydalarına uyğun olaraq sosial məsafəyə riayət edilmişdir.

Tezliklə Dövlət himni və Qarabağ şikəstəmizin Azərbaycan musiqi mədəniyyətinin beşiyi olan Şuşada səslənəcəyinə ürəkdən inanırıq.

 


RƏYLƏR