Oksana ərə gedib: "1 ildir..."

OXUNUB: 106 ŞOU-BİZNES
"Müzakirələrə son qoymaq üçün ilk və son dəfə olaraq mətbuat nümayəndələri vasitəsilə geniş kütləyə, tamaşaçılarıma, izləyicilərimə açıqlama vermək istəyirəm. Aylardır haqqımda yazılan fikirləri sosial şəbəkələrdən izləyirəm. Səhhətimə zərər verməmək üçün bir müddət izləməməyi qərara aldım. Lakin görürəm ki, susduqca mövzu da çoxalır".
Bu sözləri rəqqasə Oksana Rəsulova İnstaqram səhifəsində yazıb. Hamiləlik xəbəri ilə gündəmdən düşməyən sənətçi haqqında deyilənlərə münasibət bildirib: 

"İllərdir Azərbaycan səhnəsində çalışan, karyeramda uğurlarımı Hindistana qədər aparan bir qadınam. Çoxlarının dediyi kimi həm də gözəl qadınam. Bunları ona görə qeyd edirəm ki, bir az reallıqları da unutmayaq. Məlumdur ki, şəxsi həyatda istədiyim xoşbəxtliyi əldə edə bilməmişdim. Bu da mənim üçün bir növ həyat dərsi oldu. 

Hazırda xoşbəxtəm, məni sevən, anlayan insanla artıq 1 ildir həyat yoldaşıyıq. Həyatımda şəxsi olan hər şeyi gizli yaşamağa söz vermişəm. Əminəm ki, sevənlərim mənə haqq qazandıracaq. Məni sevənləri sevirəm, bilirəm ki, nəhayət həyatımda əldə etdiyim xoşbəxtliyə onlar ürəkdən sevinir. 

Qaldı ki, ana olmağımla bağlı xəbərlərə, bunun doğru olub-olmadığı zaman içində bilinəcək. Mənə şəxsi həyatla bağlı danışmağı qadağan ediblər, yaradıcılıqla bağlı kimə nə maraqlıdırsa, cavab verməyə hazıram". 

Qeyd edək ki, Oksananın 8 aydır hamilə olduğu xəbəri yayılıb. Sənətçinin süni mayalanma ilə hamilə qaldığı bildirilmişdi.
 
İcmal.Az

RƏYLƏR