Paytaxtda nazirə hücum edən şəxs saxlanıldı

OXUNUB: 2090 HADİSƏ
Fransa polisi sabiq ekologiya və energetika naziri xanım Natali Kosçyuşko-Morize hücum edən şəxsi saxlayıb.
İCMAL.AZ "Qafqazinfo”ya istinadən xəbər verir ki, bu barədə "Frans Press” agentliyi məlumat yayıb.
Xatırladaq ki, insident paytaxt Parisin 5-ci dairəsində baş verib. Hadisə zamanı "Respublikaçılar” partiyasının namizədi təbliğat aparırdı.
Naməlum kişi ona yaxınlaşaraq əvvəl təhqir edib, daha sonra isə vurmaq istəyib. Yerə yıxılan xanım namizədin başı daşa dəydi. O, həkimlər gələnədək bir neçə dəqiqə huşsuz vəziyyətdə qalıb. Natali Kosçyuşko-Morize xəstəxanaya yerləşdirilib.
Agentliyin məlumatına görə, şübhəli şəxs şənbə günü səhər saxlanılıb. O, dövlət qulluqçusuna qarşı zorakılıqda ittiham olunur.
Qeyd edək ki, Parlament seçkilərinin ilk turu bazar günü, iyunun 11-də baş tutub. Kosçyuşko-Morize iyunun 18-də keçiriləcək ikinci turda iştirak edəcək.

RƏYLƏR