QİÇS Mərkəzindən tender maxinasiyası

OXUNUB: 252 Özəl GÜNDƏM HADİSƏ
Respublika QİÇS-lə Mübarizə Mərkəzi fevralın 12-də malların özünəməxsus çap və hazırlanması üzrə satınalma müsabiqəsinə yekun vurub.

7News.Az Qaynarinfo-ya istinadən xəbər verir ki, məbləği 164 min 900 manat olan olan tenderi "DEKOMA QRUP” Məhdud Məsuliyyətli Cəmiyyəti qazanıb.
Tenderin şərtlərinə görə, 85000 təqvim – stolustu 12 aylıq və səhifəlik (spirallı, xüsusi loqolu, A5 300 qr kağızda və laminasiyalı), 85000 cib bloknot- qələmli (100 vərəqli ,100 qr kagiz), 85000 cib təqvimi (350 qr xüsusi loqolu laminasiyalı) tədarük olunacaq.
Qeyd edək ki, müsabiqənin qalibi olan "Dekoma Qrup” MMC 17.12.2020 tarixində yaradılıb. Bakı şəhəri, Nəsimi rayonu, Səməd Vurğun ev.96 m.17 ünvanında yaradılan şirkətin nizamnamə kapitalı 10 manatdır, qanuni təmsilçisi isə Günel Qəmbərovadır.
Qeyd edək ki, Gəmbərova Günel Oqtay qızının qanuni təmsilçisi olduğu daha bir şirkət ötən ilin dekabrın 22-də yaradılıb. Belə ki, "ALTEKS LTD” Məhdud Məsuliyyətli Cəmiyyətinin hüququ ünvanı "Dekoma Qrup”la eynidir.

Maraqlıdır ki, Respublika QİÇS-lə Mübarizə Mərkəzinin fevralın 8-də keçirdiyi birdəfəlik kontraseptivlərin satın alınması müsabiqəsində də qalib yeni yaradılan şirkət olmuşdu. Məbləği 199 min 500 manat olan tenderi qalibi "KİP SERVİS” MMC olmuşdu.
Bu isə o deməkdir ki, Respublika QİÇS-lə Mübarizə Mərkəzi satınalmalar haqqında qanunvericiliyi 4 gün ərzində 2 dəfə kobud şəkildə pozub. Belə ki, "Dövlət satınalmaları haqqında” Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanların, işçi qüvvəsinin, idarəetmə səriştəsinin, etibarlığın olması lazımdır.
Tenderin başlamasından, yəni 12.01.2021-ci il tarixindən cəmi 1 ay əvvəl yaradılmış şirkətin müsabiqədə qalib elan olunması şübhələrə əsas verir…

RƏYLƏR