“Saglan həyata doğru: Velosiped idmanında gender bərabərliyi”- mövzusunda seminarın növbəti ünvanı Qusar rayonu..

OXUNUB: 43 İDMAN
"Gender əsaslı zorakılığa qarşı 16 günlük fəallıq” kampaniyası çərçivəsində BMT-nin Azərbaycan nümayəndəliyinin dəstəyilə regionlarda yeniyetmə və gənclər arasında velosiped idmanına marağı artırmaq və bu idman növündə gender bərabərliyini təmin etmək məqsədi ilə «Gənc Velosipedçilər» İctimai Birliyi,, Azərbaycan Velosiped İdmanı Federasiyasının və Respublika Olimpiya Velosiped Məktəbinin təşkilatçılığı ilə «Sağlam həyata doğru: Velosiped idmanında gender bərabərliyi» mövzusunda 27 noyabr 2018-ci il tarixindən etibarən vətənimizin 4 rayonunda Mingəçevir, Qusar, Lənkəran və Biləsuvarda, hər rayon üzrə seminar-təlim və veloyürüşlərə start verilib. Qusar rayonunda baş tutan layihənin növbəti mərhələsində seminarlar zamanı gənclərə, qadınların bu idman növünə cəlb edilməsi, velosiped idmanın gender əsaslı zorakılığa qarşı mübarizədə qızların və qadınların səlahiyyətlənməsində əhəmiyyətindən, bu idman növünün qadın reproduktiv sağlamlığında rolu və ondan düzgün istifadə qaydalarından bəhs edilib. Daha sonra gənc qızlara əyani olaraq velosiped üzərində praktiki təlimlər keçirilərək, diskusiyalar aparılıb, gəncləri və yeniyetmələri maraqlandıran suallar cavablandırılıb. Yeniyetmə və gənclərə bu idman növündən və qadın hüquqlarından bəhs edən kitablar və müxtəlif çap materialları paylanılıb. Daha sonra havanın soyuq olmasına baxmayaraq oğlanların və qızların iştirakı ilə veloyürüş keçirilib.
 
 

 
 
 
İcmal.Az

RƏYLƏR