Saleh Məmmədovun bir il əvvəl istifadəyə verdiyi yol çökdü – FOTO

OXUNUB: 212 Özəl Seçilmiş Önəmli
"Hazırda yolun dağılmasının səbəbləri araşdırılır”
Ötən il əsaslı təmir olunaraq istismara verilən Şəmkir - Yeni Göyçə - Dağ Cəyir avtomobil yolunda problemlər yaranıb.
İcmal.Az xəbər verir ki, bu barədə baku.ws-in "qaynar xətti”nə məlumat verilib. Bildirilib ki, yolda çatlar əmələ gəlib. Sonradan həmin çatlar doldurulub. Lakin hələ də avtomobillərin hərəkəti üçün çətinliklər yaranıb. Məsələ ilə əlaqədar AAYDA-nin İctimaiyyətlə əlaqələr şöbəsinin rəisi Anar Nəcəfli açıqlamasında bildirdi ki, həmin yolda müəyyən hissələrdə problemlər yaranmışdı. "Hazırda yolun dağılmasının səbəbləri araşdırılır. Ümumilikdə həmin yolda heç bir problem yox idi. Yol boyu heç bir problem yoxdur. Yalnız 3 kənd ərazisindən keçən hissədə problemlər yaranıb. Araşdırmalar aparılır. Yolun dağılma səbəbləri araşdırılrı”, - deyə Anar Nəcəfli bildirib. Qeyd edək ki, bu yolun tikintisinə Azərbaycan Respublikası Prezidentinin 2014-cü ildə imzaladığı Sərəncama əsasən başlanılıb. Yol 5 min nəfər əhalinin yaşadığı 7 kəndi birləşdirir. Avtomobil yolu texnoloji ardıcıllığa riayət edilməklə və yüksək keyfiyyətlə inşa edilib. Ümumi uzunluğu 31 kilometr olan yol 4-cü texniki dərəcəyə aiddir. Yol iki hərəkət zolaqlıdır. Hərəkət hissəsinin eni 7 metrdir. Bildirildi ki, layihə çərçivəsində 482,2 min kubmetr torpaq işləri görülüb, yol əsasının və çiyinlərin tikintisinə 112 min kubmetr çınqıl, qum-qırmadaş qarışığı və 55 min ton asfalt-beton qarışığı sərf edilib. İnşaat işləri zamanı müxtəlif diametrli 30 suötürücü boru tikilib, yol təhlükəsizlik dirəkləri, yol nişanı və göstərici lövhələr quraşdırılıb. Yol cizgi xətləri çəkilib. Şəmkir-Yeni Göyçə-Dağ Cəyir avtomobil yolunun istifadəyə verilməsi ümumilikdə rayonun sosial-iqtisadi inkişafına müsbət təsir edəcək, yük və sərnişin daşınmasının yaxşılaşmasına imkan yaradıb. Yol ötən il istismara verilib.
 
İcmal.Az

RƏYLƏR