Texniki Universitetdə rüşvət qalmaqalı

OXUNUB: 61 GÜNDƏM SOSİAL
Texniki Universitetdə rüşvət qalmaqalı

Xatırladaq ki, bu ilin iyul ayının 31-də Prezident İlham Əliyev Vilayət Məmməd oğlu Vəliyevin Azərbaycan Texniki Universitetinin rektoru təyin edilməsi haqqında Sərəncam imzalayıb. Səhərisi gün rektoru kollektivə Təhsil naziri Ceyhun Bayramov təqdim edib. Ölkə Prezidenti İlham Əliyevin rəhbərliyi altında təhsil sahəsində uğurlu islahatlar həyata keçirildiyini diqqətə çatdıran C.Bayramov bu istiqamətdə qarşıya qoyulan vəzifələrin, verilən tapşırıqların icrası ilə bağlı universitet kollektivinə müvafiq tövsiyələrini verib. Azərbaycan Texniki Universitetinin rektoru V.Vəliyev ölkə Prezidenti İlham Əliyev tərəfindən ona göstərilən yüksək etimada görə təşəkkür edib və bu etimadı doğruldacağını bildirib. Ümidvarıq ki, aktualxeber.az-ın redaksiyasına müraciət edən xanımın da problemini yeni rektor tezliklə həll edəcəkdir.

Aktualxeber.az-ın redaksiyasına şikayət ərizəsi ilə müraciət edən Bakı şəhər sakini Nağıyeva Nərgiz Əli qızı iddia edir ki, Azərbaycan Texniki Universitetinin "İnformasiya texnologiyalari və proqramlaşdırma” kafedrasının müdiri Zəfər Əli oğlu Cəfərovun ondan həmin kafedraya işə düzəltmək adı ilə 10 min manat pul rüşvət alaraq aldadıb. Uzun müddət keçsə də Zəfər müəllim nə xanımı işlə təmin edib, nə də onun pulunu qaytarıb. O, nə telefonlara cavab verir, nə də onu iş yerində tapmaq mükün deyil. Əlavə olaraq şikayətçi bildirir ki, o tək deyil və bir çox vətəndaşlar orada olan geniş bir şəbəkənin qurbanına çevriliblər. Bizə müraciət edən xanım bu faktın ictimailəşməsindən sonra yeni rektorun və əlaqədar qurumların günahkarın cəzalandırılması üçün lazımi tədbir görəcəklərinə, həmçinin ona dəyən ziyanın ödənilməsinə kömək edəcəklərinə ümid edir.

Mövzuya qayıdacağıq və qarşı tərəfi də dinləməyə hazırıq.

RƏYLƏR