ABŞ prezidenti Donald Trampın oğlu Erik bildirib ki, o və ailəsinin bütün üzvlərinə qarşı təhdidlər olub.
İcmal.Az bununla bağlı TASS agentliyinə istinadla xəbər verir.
E.Tramp "Fox News” telekanalına müsahibəsində poçtla naməlum toz məhlulunun onlara göndərilməsinin buna sübut olduğunu deyib. Onun sözlərinə görə, bu cür məktublar onun bütün yaxınlarına göndərilib.
"Bizim hamımıza ağ toz məhlulu göndərilib”, - o bildirib.
Proqram aparıcısının onun ailəsinin təhdidlər alması ilə bağlı sualına prezidentin oğlu təsdiqləyici cavab verib:
"Məni də, ailəmi də təhdid ediblər”.
Xatırladaq ki, fevralda içərisində mənşəyi məlum olmayan ağ toz məhlulu olan məktub Trampın oğlunun Nyu-Yorkdakı mənzilinə göndərilmişdi.
İcmal.Az
