Xalq artisti, dünya şöhrətli xanım xanəndə Səkinə İsmayılova Hindistana yola düşür. Sənətkar özü bu haqda Milli.Az-a danışıb:
"Bu gün Hindistana yola düşürəm. Çox məşhur və möhtəşəm festivallarda iştirak edəcəyəm. Dehli və Bombey şəhərində 3 konsertim planlaşdırılıb. Bu, mənim Hindistana 4-cü səfərimdir. İlk dəfə Hindistanda 30 il bundan öncə Rəşid Behbudovla birlikdə səhnəni bölüşmüşdüm. Demək olar ki, Hindistanda muğamı təbliğ edən ilk qadın xanəndəyəm ki, onlar yalnız məni dəvət edirlər. Bu, həqiqətən, qürurverici və sevindirici bir haldır".
İcmal.Az
