YAP sıralarına yeni daxil olanlara üzvlük vəsiqələri təqdim edildi

OXUNUB: 575 SOSİAL


      Yeni Azərbaycan Partiyası (YAP) Nəsimi rayon "Loqos” Psixoloji və Nitq inkişaf mərkəzinin ərazi ilk partiya təşkilatının ümumi yığıncağı keçirilib.
      Keçirilən yığıncaqda millət vəkili, Yeni Azərbaycan Partiyasının Nəsimi rayon təşkilatının sədri, YAP Siyasi Şurasının üzvü, Siyasi elmlər üzrə Fəlsəfə doktoru Məlahət İbrahimqızı, "Loqos” Psixoloji və Nitq İnkişaf Mərkəzinin, "Psixoloji Xidmət və Tədqiqatlar” İctimai Birliyinin rəhbəri, psixologiya üzrə fəlsəfə doktoru Təranə Məmmədova, "Loqos” un kollektivi və Partiyaya yeni üzv olan üzvlər iştirak ediblər. 
      Yığıncağı açıq elan edən millət vəkili, Yeni Azərbaycan Partiyasının Nəsimi rayon təşkilatının sədri Məlahət İbrahimqızı çıxışında Azərbaycanın gündən-günə möhkəmlənən mövqeyindən bəhs etdi. Bildirdi ki, iqtisadi imkanlarını artıran Azərbaycanın beynəlxalq aləmdə yeri və rolu böyükdür. Bu gün ölkəmizin ev sahibliyi etdiyi önəmli beynəlxalq tədbirlər də bu kimi məqamlara işıq salır.
         Daha sonra çıxış edən "Loqos” Psixoloji və Nitq İnkişaf Mərkəzinin, "Psixoloji Xidmət və Tədqiqatlar” İctimai Birliyinin rəhbəri Təranə Məmmədova ölkəmizin bugünkü inkişafından və bu inkişafa Yeni Azərbaycan Partiyasının töhfələrindən bəhs etdi. "Loqos” un YAP Nəsimi rayon təşkilatı ilə birgə həyata keçirdiyi tədbirlərdən danışan natiq bu tədbirlərin davamlı olacağını diqqətə çatdırdı.
    Sonda yeni üzvlərə vəsiqələr təqdim olundu və onlara uğurlar arzuladılar.
 
İcmal.Az

 

RƏYLƏR