Yekaterinburq Apellyasiya Məhkəməsi Sverdlovsk vilayətinin Dövlət Əmlak İdarəsi ilə "Azərbaycan” təşkilatı arasında məscidin tikilməsi üçün ayrılan sahənin icarəsi məsələsinə dair yaranan mübahisədə sonuncunun tərəfini tutub.
İcmal.Az bu barədə Rusiya KİV-nə istinadən xəbər verir.
Beləliklə də məhkəmə Sverdlovsk Arbitraj Məhkəməsinin Repin küçəsindəki torpaq sahəsinin icarəsinə dair müqaviləni qüvvədə saxlayıb.
Xatırladaq ki, Azərbaycan diasporunun nümayəndələri Regional İnşaat Nazirliyindən məscidin ucaldılmasına etiraz gəldikdən sonra məhkəməyə müraciət ediblər. Arbitraj Məhkəməsi iddiaçılara yaşıl işıq verib.
Uralda Azərbaycan diasporunun rəhbəri Şahin Şıxlinski bəyan edib ki, icazə sənədləri alınandan dərhal sonra onlar inşaata başlamağı planlaşdırırlar.
İcmal.Az
