"Yeyib-içməyə xərclədim" - 20 min pul oğurlayan şəxs - VİDEO

OXUNUB: 311 HADİSƏ

Abşeron Rayon Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində rayon ərazisində avtomobillərdən oğurluq edən Masazır qəsəbə sakini Cəlil Quliyev saxlanılıb.

İcmal.Az ARB TV-yə istinadla xəbər verir ki, aparılan tədbirlərlə onun ötən il dekabrın 19-da rayon ərazisində "Qurtuluş 93" yaşayış kompleksində vətəndaşlardan birinə məxsus "Toyota" markalı avtomobildən 20 000 manat pul oğurladığı müəyyən edilib.

Cəlil Quliyev - Saxlanılan şəxs: "Axşam idi. Baxdım, təsadüfən. Vurub, şüşəsini qırdım, pulu götürüb getdim. Ancaq yeyib-içməyə xərclədim".

Saxlanılan şəxsin ətrafında həyata keçirilən əlavə əməliyyat-axtarış tədbirləri nəticəsində onun bu ilin fevral ayının 20-də Abşeron rayonu ərazisində başqa bir "Land Rover" markalı avtomobilin şüşəsini sındıraraq maşının içində olan gödəkçənin cibindən 640 manat pul oğurladığı da məlum olub.

 

Faktlarla bağlı Abşeron RPİ-nin İstintaq Şöbəsində cinayət işi başlanılıb, əməliyyat-axtarış tədbirləri davam etdirilir.

İcmal.Az

Videonu izləmək üçün şəklə klikləyin:

RƏYLƏR