Deputat polisi bu restoranda döyüb (FOTOLAR)

OXUNUB: 894 Özəl GÜNDƏM HADİSƏ
Xaçmaz rayonunun deputatı Eldəniz Səlimovun polis əməkdaşı Zaur Mirzəyevi hansı restoranda döyməsi məlum olub.
Hadisə Xaçmaz rayonunun Bakı prospektində yerləşən "Starıy dvor” restoranında baş verib. Həmin restoran Xaçmaz rayon maliyyə idarəsinin rəisi Nizami Həsənova məxsusdur.

Hadisənin bəzi detalları da məlum olub. "İndi restoranlar saat gecə saat 12-yə qədər fəaliyyət göstərir. Polislər o cümlədən Zaur Mirzəyev hadisədən bir neçə gün əvvəl restoran rəhbərliyinə obyekti 12-dən sonra işlətməmək barədə xəbərdarlıq ediblər. Bundan sonra Eldəniz Səlimov Zaur Mirzəyevə zəng vuraraq onu restorana çağırıb və döyüb”, - deyə Xaçmazdakı mənbə bildirib. 

Məlumata görə, Zaur Mirzəyev ağır xəsarətlər alıb. "Eldəniz Səlimov güclü zərbəsindən sonra qulağından qan açılıb. İndi məlum olur ki, qulağının pərdəsi cırılıb. Həmin qulağı ilə eşitmir”, - deyə qaynağımız əlavə edib. 
 
 


RƏYLƏR