Təhsil Nazirliyi: Azərbaycanda diplomları tanınan ölkə universitetlərinin yayılan siyahısı yanlışdır

OXUNUB: 356 SOSİAL
Təhsil Nazirliyi bəzi yazılı mətbuatda Azərbaycanda diplomları tanınan ölkə universitetlərinin siyahısı ilə bağlı informasiyalara münasibət bildirib.


İcmal.Az "Report"un məlumatına istinadən xəbər verir ki, nazirliyin İctimaiyyətlə əlaqələr sektorunun müdiri Cəsarət Valehov bildirib ki, təqdim olunan siyahı tamamilə yanlışdır.

"Əgər ali təhsil müəssisəsi fəaliyyət göstərməsi üçün bütün zəruri sənədlərə malikdirsə və verdiyi təhsil sənədi fəaliyyət göstərdiyi ölkə tərəfindən tanınırsa, Azərbaycan da həmin təhsil müəssisəsini tanıyır. Təhsil Nazirliyinin Akkreditasiya və Nostrifikasiya İdarəsinin rəsmi internet səhifəsinə (www.nostrifikasiya.edu.az) daxil olmaqla ENİC-NARİC bölməsindən ölkə ərazisində tanınan ali təhsil müəssisələrinin siyahısını əldə edə bilərsiniz”, - o qeyd edib.
 
İcmal.Az

RƏYLƏR