Türkiyədə dəhşətli ailə qətlinin təfərrüatı məlum olub.
Hülya Tuncer (35), 18 il əvvəl Sedat Tuncerə (35) ərə gedib. Bu evlilikdən 2-si qız olmaqla 4 uşaqları olub. Tuncer yoldaşından şiddət gördüyü səbəbiylə bir neçə dəfə evdən qaçaraq qadın sığınacaq mərkəzlərinə yerləşib. Bir dəfə də ailəsinin yanına gedən Tuncer hər səfərində dilə tutularaq yoldaşıyla barışıb, evinə dönüb.
''Ərimi öldürdüm, gəlin məni aparın''
Tuncer cütlüyü 21 avqustda səhər yeməyi zamanı yenə mübahisə edib. Yoldaşına aid sənədsiz silahı gizlətdiyi yerdən götürən Hülya Tuncer qəfil atəş açmağa başlayıb. Sedat Tuncer hadisə yerində həyatını itirib. Hülya Tuncer polis bölməsinə zəng edərək "Ərimi öldürdüm, gəlin məni aparın" deyib.
Qadının dediyi ünvandakı evə girən polislər Sedat Tuncerə 5 dəfə atəş açıldığını aşkarlayıblar. Hülya Tuncerin ərini öldürdüyü zaman uşaqlarının yan otaqda olduqları məlum olub.
Nəzarətə alınan Hülya ifadəsində "O qədər döyürdü ki, psixologiyam pozulduğundan müalicə alırdım. Öldürmək istədim, sonra imtina etdim, nahar hazırladım. Amma naharda məndən pul istədi, yox deyincə "İki gün əvvəl atan və qardaşın səni götürüb getdi, səni axşama qədər bir neçə kişiyə satıblar, oradan heç pul qalmadımı" deyə təhqir etdi. Qışqırıb söyüş söydü. Artıq səbrim çatmadı, öldürdüm. Həyat yoldaşım həm narkotik istifadə edirdi, həm də satırdı" dediyi məlum olub. /milli
İcmal.Az
Videonu izləmək üçün şəklə klikləyin:
