Jurnalist Bakıdakı kafedən yazdı: "Bizim pulumuzu Anastasiyaya göndərir ki, o da həmin pulları Ermənistan ordusuna köçürsün"

OXUNUB: 210 HADİSƏ
Qarabağ müharibəsi vaxtı Ermənistan tərəfinə maddi və mənəvi dəstək verən Anastasiya Tatulovanın "#Anderson" kafesi hazırda Bakıda faktiki olaraq elə "Anderson" kimi də fəaliyyət göstərir!

Bu barədə jurnalist Vüqar Baba özünün feysbuk hesabında qeyd edib.



"Xatırlayırsınızsa, bu xanım oktyabrda status yazaraq Ermənistan tərəfinə pul köçürdüyünü və onları dəstəklədiyini bildirən status yazmışdı. Azərbaycanda kafesi olduğu üzə çıxandan və kafe boykota çağrılandan sonra  isə həmin statusu silib "üzrü qəbahətindən böyük" bir status da yazmışdı. 

 
Və sonra Azərbaycandakı sahibkar "Anderson" kafedən imtina etdiyini bildirərək kafenin adını "#KhanCandy" qoyduqlarını elan etmişdi. 

Ötən gün bu kafedə oldum və gördüm ki - kafenin sadəcə adı simvolik dəyişib, özü isə  faktiki "Anderson" olaraq qalıb. İnteryerin məxsusi dizaynı, işçilərin korporativ geyim üslubu, menyunun stili, hazırlanan məhsulların adı, növü, formatı olduğu kimi saxlanıb, hətta kağız süfrə örtüklərinə "Anderson" adı belə qalıb. Yəni, kafe "Anderson" qaydaları ilə, "Anderson" kimi işləməyə davam edir. 

Buranı işlədənlər gözə kül üfürmək, insanları aldatmaq üçün sadəcə çöl hissədə adı simvolik dəyişib. "KhanCandy" (səslənişi - Xankəndi) adı altında françayzinq kafe kimi erməni dəstəkçisi xanıma azərbaycanlı müştərilərin pulunu göndərməklə məşğuldurlar. Bizim pulumuzu Anastasiyaya göndərir ki, o da həmin pulları Ermənistan ordusuna köçürsün", deyə jurnalist qeyd edib.
 
Şəkilin açıqlaması yoxdur.
 Bir bir və ya daha çox şəxs və mətn şəkili ola bilər
Şəkilin açıqlaması yoxdur.
Bir bir və ya daha çox şəxs və mətn şəkili ola bilər

RƏYLƏR