Kənd təsərrüfatı naziri Məcnun Məmmədov Dünya Bankının Avropa və Mərkəzi Asiya regionunun Davamlı İnkişaf üzrə regional direktoru Sameh Naquib Vahbanın rəhbərlik etdiyi nümayəndə heyəti ilə görüşüb. Nazir Məcnun Məmmədov bildirib ki, Azərbaycan Respublikasının Prezidenti cənab İlham Əliyev tərəfindən kənd təsərrüfatının inkişafı prioritet sahə kimi müəyyən edilib. Məhz bu siyasət nəticəsində ölkəmizdə aqrar sahə öz inkişafının yeni mərhələsinə qədəm qoyub. Nazir Azərbaycanda aqrar sektora dövlət dəstəyi barədə görüş iştirakçılarına ətraflı məlumat verib. Qeyd olunub ki, torpaqlarımız işğaldan azad edildikdən sonra Azərbaycan Respublikasının Prezidenti İlham Əliyev Qarabağ bölgəsini yaşıl enerji zonası elan edib. Hazırda işğaldan azad edilmiş ərazilərin bərpası, yenidən qurulması, bu ərazilərdə gələcək inkişafının təmin olunması, zəruri infrastrukturun yaradılması istiqamətində genişmiqyaslı tədbirlər uğurla həyata keçirilir. Bildirilib ki, bu ərazilərdə kənd yerlərinin inkişafı üçün qabaqcıl təcrübənin tətbiqi imkanları araşdırılır. Vurğulanıb ki, aqrar sahədə qabaqcıl təcrübələrin ölkəmizdə tətbiqi məqsədilə beynəlxalq təşkilatlarla əməkdaşlıq davam etdirilir. Görüşdə Dünya Bankı ilə birgə əməkdaşlıq çərçivəsində həyata keçirilmiş layihələrin əhəmiyyəti vurğulanıb, gələcək əməkdaşlıq perspektivləri nəzərdən keçirilib. Görüşdə aqrar sahədə məhsuldarlığın daha da artırılması, torpaq və su reurslarından səmərəli istifadə, kənd təsərrüfatının rəqəmsallaşdırılması, işğaldan azad edilən ərazilərdə kənd yerlərinin inkişafı ilə bağlı məsələlər müzakirə olunub. Sonda qarşılıqlı maraq doğuran məsələlər barədə geniş fikir mübadiləsi aparılıb.
Ana səhifə
/
Özəl / İQTİSADİYYAT / Kənd Təsərrüfatı Nazirliyində Dünya Bankının nümayəndə heyəti ilə görüş keçirilib
RƏYLƏR
DİGƏR XƏBƏRLƏR
-
-
Hərbi bilik yarışının qalibləri mükafatlandırılıb
03.05.2024, 16:11 / Özəl, İQTİSADİYYAT -
Bu il 40 rayonda yaş barama istehsalı həyata keçiriləcək
02.05.2024, 15:55 / Özəl, İQTİSADİYYAT -
4-5 may tarixlərində “Kənddən Şəhərə” həftəsonu yarmarkası təşkil ediləcək
02.05.2024, 13:58 / Özəl, İQTİSADİYYAT -
Nazir Məcnun Məmmədov FAO-nun Avropa və Mərkəzi Asiya üzrə Regional Nümayəndəsi ilə görüşüb
02.05.2024, 11:51 / Özəl, İQTİSADİYYAT -
“Şəhərdən Kəndə” layihəsi çərçivəsində Lənkəran və Astarada fermer təsərrüfatlarına dəstək göstərilib
01.05.2024, 14:18 / Özəl, İQTİSADİYYAT -
Kənd təsərrüfatı nazirinin müavini Sarvan Cəfərov Qobustanda vətəndaşları qəbul edəcək
01.05.2024, 11:56 / Özəl, İQTİSADİYYAT -
Kənd Təsərrüfatı Nazirliyinin vəzifəli şəxslərinin mayda bölgələrdə keçirəcəyi vətəndaş qəbullarının qrafiki təsdiqlənib
30.04.2024, 12:39 / Özəl, İQTİSADİYYAT