1994-cü ildən fəaliyyət göstərən Veysəloğlu Şirkətlər Qrupu bu gün ölkədə 100-dən artıq fabrikə, mağazalar şəbəkəsinə, hətta "Ulduz” şokolad fabrikinə və digər obyektlərə sahibdir. Və yəni öz fəaliyyət sahəsini genişləndirir. Amma təəssüf ki, bu boyda şirkətin xidməti və məhsulları nəinki müasir tələblərə, heç orta səviyyəyə də uyğun deyil.
Şirkətin istehsal etdiyi şokoladların içindən nələr çıxmır ?
Bəzi sahələri monopoliyaya alması isə şirkətin ən zəif yeridir.
Ən əsası ilə dəfələrlə süni qiymət artımı ilə bağlı cənab Prezidentin xəbərdarlıq etməsinə baxmayaraq Veysəloğlu şirkəti süni qiymət artımı məsələsində hamıdan öndə gedir.
Vergidən yayınma, idxal olunan məhsullara qoyulan faizlərin əndazəni aşması və digər köhnə xəbərləri bir yana qoyaraq keçək, lap təzə məlumatlara.
Bəli, son vaxtlar yanacağın, suyun və s qiymət artımından istifadə edən Veysəloğlu şirkəti əməlli-başlı qiymətləri şişirdib.
Məsəl var deyir ki, dənizin dadını bilmək üçün bir damcı da kifayətdir.
''Gündəlik Bakı'' qəzetinin(gundelik-baku.com) əməkdaşı Veysəloğlu şirkətinə məxsus, Ağır Cinayətlər Məhkəməsi ilə üzbəüz SPAR marketində meyvə-tərəvəzlərin heç bir normaya sığmayan qiyməti ilə rastlaşıb.
Ölkəmizdə ən çox yetişdirilən məhsullardan biri olan narın bir ədədi 1 manat 35 qəpikdir. Bəli, təəccüblənməyin əməkdaşımız 4 ədəd nara 5 manat 40 qəpik ödəyib.
Deməli, 1 ədəd narın qiyməti = 540 : 4 = 135 qəp = 1 m 35 qəp
Əməkdaşımız digər bir məhsulun qiymətini isə 4 manat 99 qəpik görüb. Görəsən Veysəloğlunun başbilənləri bu qiyməti necə müəyyən edib. Niyə, 5 manat, yaxud 4 manat 95 qəpik yox, məhz 4 manat 99 qəpik ?
Bir məsələ də maraqlıdır. Bu gün müəllimin dərs saatının qiyməti 1manat 10 qəpikdir.
İcmal.Az