7NEWS.az xəbər verir ki, Mingəçevir şəhər İcra Hakimiyyətinin başçısı İlham İsmayılov Vətən Müharibəsi qazilərini evlərində ziyarət edib. Döyüşdə yaralanan qazilərlə səmimi söhbəti zamanı başçı onların vəziyyətləri ilə tanış olub.Yaralı qazilər öz şərəfli döyüş yolundan danışıblar. Cənab Ali Baş Komandanın rəhbərliyi ilə Müzəffər Ordumuzun qazandığı Zəfər münasibəti ilə, qazilərimizi təbrik edən icra başçısı qazilərin və ailəsinin problemləri ilə maraqlandı. Şəhid ailələri və Qazilərimizin Cənab Prezidentimizin xüsusi diqqət və qayğısı ilə əhatə olunduğunu vurğuladı.Başçı yaralı qazilərə Allahdan şəfa dilədi və onların tezliklə ayağa qalxmasını arzuladı.Qazilərin ailələri onları ziyarət edən icra başçısına razı qaldıqlarını bildirərək təşşəkkür ediblər.
