NATO-nun Hərbi Komitəsinin rəhbəri Petr Pavel bəyan edib ki, Türkiyənin Rusiyadan S-400 zenit-raket komplekslərini alması alyansda böyük narahatlıq doğurur.
Onun sözlərini Breaking Defence nəşri sitat gətirir.
Petr Pavel hesab edir ki, S-400 kompleksləri NATO texnologiyaları ilə uyğunlaşmır:
"Bu səbəbdən Rusiya zenit-raket kompleksləri alyansın ümumi hava hücumundan müdafiə sisteminə inteqrasiya edilməyərək ayrıca istifadə olunacaq”.
O həmçinin qeyd edib ki, əsas problem NATO-nun Türkiyədəki hərbi infrastrukturu barədə məlumatların Rusiya sistemlərində saxlanılmasıdır.
Petr Pavelin fikrincə, bu məlumatlar Rusiya rəhbərliyinə ötürülə bilər.
İcmal.Az