"Peterburq siyasəti” fondu Rusiya prezidenti Vladimir Putinin 20 ən mümkün xələfinin reytinqini tərtib edib.
İcmal.Az bu barədə Gazeta.ru-ya istinadən xəbər verir.
Reytinq tərtib edilərkən beş meyar – ictimailik, gözləmələr, fəallıq, münaqişəsizlik və "zəif subyektivlik” əsas götürülüb. Hər meyar da öz növbəsində beş ballıq şkala üzrə qiymətləndirilib.
Reytinqdə birinci yeri 21 balla baş nazir Dmitri Medvedev tutur. İkinci yerdə Moskva meri Sergey Sobyanin (19 bal), üçüncü yerdə isə Tula əyalətinin qubernatoru Aleksey Düminin (18 bal) adı çəkilir.
Siyahıda həmçinin Dövlət Dumasının sədri Vyaçeslav Volodin, Çeçenistanın başçısı Ramzan Kadırov və müxalifətçi Aleksey Navalnının adları yer alıb.
İcmal.Az
