Məlumata görə, Vaqif Əliyevin "SOCAR Türkiyə”nin rəhbərliyindən göndərilməsindən sonra FETÖ-çülərin bir qismi ordan uzaqlaşsalar da, 2022-ci ildə Elçin İbadov "SOCAR Türkiyə”yə baş direktor gətirildikdən sonra yenidən bu şirkətdə özlərinə sığınacaq tapıblar.
Mənbə bildirib ki, FETÖ-çülərin "SOCAR Türkiyə”yə qayıtmasında həm Elçin İbadovun, həm də Adnan Əhmədzadənin xüsusi rolu olub.
Gülənin akademik çevrəsinin nəzarət etdiyi Hacəttəpə Universiteti məzunu olan Elçin İbadov Qafqaz Universiteti ilə də ciddi əlaqələrə sahib olub.
Bəzi məlumatlara görə, Elçin İbadov keçmiş Qafqaz Universitetinin prorektoru, tanınmış FETÖ-çülərdən olan Natiq Paşa ilə sıx əlaqələrə sahib olub və məhz Natiq Paşanın səyləri ilə prestijli universitetlərdə təhsilini davam etdirib.
Həmçinin Elçin İbadov keçmiş Qafqaz Universitetinin xarici əlaqələr üzrə prorektoru Sənnur Əliyevlə eyni dönəmdə Hacəttəpə Universitetində oxuyub. Onların yaxın münasibətləri olub. Yəni Elçin İbadov faktiki olaraq Azərbaycanın iki ən önəmli "FETÖ imamı” ilə çox yaxın münasibətdə olub və bu münasibətlər bu gün də yüksək səviyyədədir.
Elçin İbadov Çikaqo İllinois Universitetindən məzun olduqdan sonra 2002-ci ildən başlayaraq keçmiş Qafqaz Universitetinin tələbələrinin "SOCAR Türkiyə”də yerləşdirilməsində rol alıb. Bu barədə mətbuatda hələ 2016-cı ildə yazılıb. Buna görə də 2016-cı ildə "SOCAR Türkiyə”də yaşanan FETÖ qalmaqalından bir neçə il sonra Elçin İbadovun "SOCAR Türkiyə” rəhbərliyinə gətirilməsini heç də təsadüf adlandırmaq olmaz. "Nurçu”larla yaxın əlaqədə olan Elçin İbadov məhz "Hizmet herekatı”nın güclü dəstəyi ilə bu önəmli vəzifəyə sahib ola bilib və Adnan Əhmədzadə də bu işdə ona kömək edən əsas şəxslərdən biridir.
"SOCAR Türkiyə”də baş verənləri xarakterizə edən mənbə bildirib ki, energetika sahələrini ələ keçirmək FETÖ-nün hər zaman əsas strategiyalarından biri olub və bu sektorda açar mövqelərə yerləşdirdikləri şəxslər vasitəsilə nəzarəti ələ keçirmək FETÖ-nün taktikasıdır. 2016-cı ildə "SOCAR Türkiyə”də itirdikləri mövqelərini geri qaytarmaq isə onlar üçün çox vacib olub və buna da Elçin İbadov sayəsində nail olublar.
Mənbə həmçinin bildirib ki, digər tərəfdən "SOCAR Türkiyə”nin çətiri altında olmaq FETÖ-çüləri Ərdoğandan qoruyur və buna görə də son zamanlar "SOCAR Türkiyə”də çalışan "nurçu”ların sayı kəskin artıb.
Adnan Əhmədzadənin həbsindən sonra isə "SOCAR Türkiyə”də çalışan FETÖ-çülər narahat olublar. Onlar əməliyyatların "SOCAR Türkiyə”yə sıçrama təhlükəsindən narahatdırlar. Azərbaycan neftinin çirkləndirilməsi ilə bağlı araşdırmalar gec-tez bu əməliyyatlara gətirib çıxaracaq./cumhuriyyet
7NEWS.az
