Ötən gün Gənclik mall-da yerləşən Cinemaplus kinoteatrında Türkiyə ilə Azərbaycanın birgə istehsalı olan "Yanlış anlama" filminin qala gecəsi keçirilib. Film İstanbul və Bakı şəhərlərində çəkilib.
Qonaqlar izdihamla qarşılanıblar. Türkiyəli aktyorlardan Bakıya Hakan Bilgin, Bahadır Efe, aktrisalardan isə Pelin Sönmez gəlib. Aktyor Hakan Bilgin çıxışı zamanı hər kəsin onu tam görməsi üçün stulun üstünə çıxıb.
O, zarafatla "Pərvini çox bəyəndik, onu aparmağa gəlmişik" deyib. Onlar Fərda ilə İslamın da aktyorluğunu bəyəndiklərini söyləyiblər.
Pelin İstanbulda olduğu kimi Bakıda da geyimi ilə gecəyə damğa vurub.
O və Pərvin Abıyeva cazibələri ilə diqqət mərkəzində olublar.
Qeyd edək ki, film Bakıdan əvvəl İstanbul və Gəncə şəhərlərində təqdim olunub. Film sabahdan etibarən Bakının bütün kinoteatrlarında nümayiş olunacaq./milli
İcmal.Az
