Rusiya prezidenti Vladimir Putin Böyük Vətən müharibəsində qələbənin 72-ci ildönümü ilə bağlı Azərbaycan prezidenti İlham Əliyevə təbrik məktubu göndərib.
Təbrikdə deyilir ki, Qələbə günü vətənin və bütün bəşəriyyətin faşizmdən qorunması naminə cəbhədə çiyin-çiyinə döyüşmüş ata və babalarımızın misilsiz qəhrəmanlığının simvoludur. V. Putin bildirib ki, bu xilaskar döyüşçülərə ən böyük hörmət tarixin saxtalaşdırılmasına, faşizm və nasizm ideyasına haqq qazandırılmasına qarşı birgə mübarizə sayəsində mümkündür. O, bütün müharibə veteranları və cəbhədə xidmət göstərənlər qarşısında baş əydiyini bildirib və onlara uzun ömür, can sağlığı arzu edib.
Təbrik məktubu Ermənistan, Belarus, Qazaxıstan, Qırğızıstan, Moldova, Tacikistan, Türkmənistan və Özbəkistan liderlərinə də göndərilib.
