Xəbər verdiyimiz kimi Operativ Qərargahın keçirdiyi brifinqdə sərt karantin rejiminin daha 2 həftə uzadılacağı bildirilib. Havalar isindikcə insanlar istirahət etmək üçün rayonlara getməyə çalışır. Hazırda karantin rejiminə görə insanların bölgələrə getməsi qadağandır. Koronavirus testindən keçdikdən sonra rayonlara istirahətə getmək mümkün olacaqmı?
Bununla bağlı Sonxeber.az-a danışan TƏBİB-in mətbuat xidmətinin rəhbəri Rəvanə Əliyeva hazırda bu məsələnin gündəmdə olmadığını bildirib: "Ucuşların və rayonlara gediş-gəlişin təmin edilməsi ilə bağlı bütün qərarları Operativ Qərargah verir".
