“InvestAZ”-dan dünya maliyyə bazarları ilə bağlı həftəlik analiz

OXUNUB: 1164 Özəl GÜNDƏM İQTİSADİYYAT
(Bu həftə ABŞ-da və Avrozonada inflyasiya götəriciləri açıqlanacaq)

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR.  
Ötən həftə Avropa Mərkəzi bankının faiz artımı qərarından sonra avronun qiymətində bahalaşma müşahidə olundu. 1.0110 bənd səviyyəsinədək bahalaşan EURUSD cütlüyü hal-hazırda 1.0080 bənd səviyyəsində ticarət olunur.  Çərşənbə axşamı saat 16.30-da ABŞ-da və cümə günü 13.00-da Avrozona da açıqlanacaq inflyasiya göstəriciləri investorların diqqət mərkəzində olacaq. Qeyd etmək lazımdır ki, ABŞ-da inflyasiya göstəriciləri 21 sentyabrda FED-in faiz qərarına təsir edəcək mühüm amil kimi çıxış edir.  

GBP.
Ucuzlaşan dollar fonunda bahalaşmaqda davam edən GBPUSD məzənnəsi 1.1650 bənd səviyyəsinədək arta bildi. Kraliçanın vəfatı ilə əlaqədar təxirə salınan faiq qərarının 22 sentyabrda açıqlanacağı gözlənilir. Yeni baş nazir Lizz Trassın növbəti dönəm üçün elan etdiyi vergi-büdcə siyasəti fonunda faiz dərəcəsinin artırılması ehtimalı daha çoxdur ki, buda gələcəkdə GBPUSD cütlüyünün bahalaşmasına səbəb ola bilər. 


TRY.
Bu gün 18.17TL hədlərinə kimi ucuzlaşan USDTRY məzənnəsində artım tendensiyası davam edir. Hazırda 18.21TL hədlərində ticarət olunan USDTRY cütlüyündə 18.22TL səviyyəsi qırılacağı təqrdirdə tarixi maksimumlar növbəti dəfə test edilə bilər. Bu gün 11.00-da Türkiyədə işsizlik göstəriciləri açıqlanacaq. 

OIL. 
Ötən həftə Avropa Şurasının Rusiya neftinə qiymət məhdudiyyəti tətbiq edilməsi müzakirələri nefti 94.17$ hədlərinə qədər bahalaşdırsa da, hal-hazırda "Brent” markalı nefti  92.45$ səviyyələrində ticarət olunur. 
Çərşənbə günü saat 18.30-da ABŞ-dan açıqlanacaq neft ehtiyyatları barədə göstəricilər treyderlər tərəfindən böyük maraqla gözlənilir. 

GOLD. 
Qızıl ötən həftə 1730$-a kimi bahalaşsa da, yenidən 1712$ hədlərinə kimi gerilədi. Dollar indeksindəki yüksəliş davam edərsə, qızıl 1705$-a (53.26$/qram) kimi ucuzlaşa bilər.


İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.




"İnvest-AZ İnvestisiya Şirkəti” QSC-nin 
Analitika Departamenti


"İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.


_______________________________________________________________________

Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

RƏYLƏR