Müğənni son şeirini Instagram hesabında paylaşıb.
Elza Seyidcahanın yeni şeirini təqdim edirik: /big
Qazanım daşdı
kəfini yedim.
Qapağın açdım
üzünü yedim.
Yedim, yedim
dibini yedim.
Qazıb, qazıb
deşdim dibini
qazanın.
Kəfkirim azıb
dibi deşik qazandan
çıxdı havaya,
mən də baxdım
kəfkirdən
deşik-deşik dünyaya.
Qonaq olduq
həsrətini çəkdiyim
röyaya.
Buzlanmış
şaxtadan beynim
isti şorbayadır meylim.
Köhnə saat kəfkiri
çalırdı tamam.
Təzə dərdin yaşları
burnumdan daman.
Günahları içimdə
mən boğan adam.
Köhnə saat kəfkiri
vur, vur
vur əqrəbi
çalsın, çalsın.
Saniyələr səs salsın
burnum axır
fürsət baxır,
köhnə çaxır
vaxt yetişir
kəfkir vurur tamamı,
əqrəb çalır zamanı
səs düşəndə axanı
çəkin, udun,
silin, atın,
burnunuzdan pisləri
Köhnə saat kəfkiri
görür hissləri,
örtür bizləri
İcmal.Az
