Kənd Təsərrüfatı Nazirliyinin vəzifəli şəxsləri tərəfindən bölgələrdə vətəndaş qəbulları keçirilir. Azərbaycan Respublikasının kənd təsərrüfatı naziri Məcnun Məmmədovun imzaladığı əmrə əsasən, Aqrar Xidmətlər Agentliyinin (AXA) sədri Sərdar Hacıyev Samux Dövlət Aqrar İnkişaf Mərkəzinin inzibati binasında Samux rayonu və Gəncə şəhərindən olan vətəndaşları qəbul edib, onların müraciətlərini dinləyib, ərizə və şikayətlərinə baxıb. Qəbulda vətəndaşların müraciətləri əsasən işlə təmin olunma, toxumçuluğun inkişafı ilə bağlı təklif, dəymiş ziyanın ödənilməsinə köməklik göstərilməsi və digər məsələlərlə bağlı olub. AXA sədri hər bir vətəndaşın müraciətini diqqətlə dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib. Sərdar Hacıyev vətəndaşlarla görüş zamanı dövlət başçısının kənd təsərrüfatının inkişafı ilə bağlı imzaladığı sərəncamların kənd təsərrüfatı istehsalçılarının rifah halının yaxşılaşdırılmasına və ölkəmizdə bu sahənin inkişafına təkan verəcəyini vurğulayıb. Qəbula gələn vətəndaşlar göstərilən diqqət və qayğıya görə Prezident İlham Əliyevə minnətdarlıqlarını bildiriblər. Vətəndaş qəbulu başa çatdıqdan sonra yerli təsərrüfatlara baxış keçirilib. Samux rayonunun Qarayeri qəsəbəsində yerləşən fermer Nəriman Ələkbərova məxsus toxumçuluq təsərrüfatında olan Agentlik sədri əkin sahələrinə və toxum saxlama anbarlarına baş çəkib, mövsümi aqrotexniki qulluq tədbirləri ilə maraqlanıb, aqrotexniki tədbirlərin vaxtında və keyfiyyətli həyata keçirilməsi üçün AXA-nın göstərdiyi xidmətlər barədə məlumat verib. Sonra Sərdar Hacıyev Samux rayonunun Samux şəhəri ərazisində yerləşən fermer Elnarə Quliyevaya məxsus olan iribuynuzlu heyvandarlıq təsərrüfatında olub, heyvanlarda aparılan profilaktik peyvəndlənmə tədbirləri, saxlanma və bəslənmə şəraiti, göstərilən baytarlıq xidmətinin keyfiyyəti ilə maraqlanıb, süd emalı sexinə baxış keçirib. Daha sonra Sərdar Hacıyev Samux rayonunun Sərkar kəndində yerləşən intensiv meyvə bağlarında aparılan aqrotexniki işlərlə tanış olub.
Ana səhifə
/
Özəl / İQTİSADİYYAT / Aqrar Xidmətlər Agentliyinin sədri Sərdar Hacıyev Samuxda vətəndaşları qəbul edib, təsərrüfatlara baş çəkib
RƏYLƏR
DİGƏR XƏBƏRLƏR
-
-
Kənd Təsərrüfatı Nazirliyinin Aparat rəhbəri Azad Cəfərli Ağsuda vətəndaşları qəbul edib, təsərrüfatlara başa çəkib
25.04.2024, 17:35 / Özəl, İQTİSADİYYAT -
“Kənddən Şəhərə” həftəsonu yarmarkaları təşkil ediləcək
25.04.2024, 15:30 / Özəl, İQTİSADİYYAT -
Aqrar Sığorta Fondunun sədri Göyçayda vətəndaşları qəbul edib, fermerlərlə görüşüb
25.04.2024, 14:19 / Özəl, İQTİSADİYYAT -
Yelo Bank ilə Azərbaycan Dövlət Akademik Opera və Balet Teatrı arasında müqavilə imzalanıb
25.04.2024, 11:48 / Özəl, İQTİSADİYYAT, BANK -
Kənd təsərrüfatı nazirinin müavini İlhamə Qədimova Qusarda vətəndaşları qəbul edib, fermerlərlə görüşüb
23.04.2024, 17:40 / Özəl, İQTİSADİYYAT -
“InvestAZ”dan dünya maliyyə bazarları ilə bağlı həftəlik analiz
22.04.2024, 17:58 / GÜNDƏM, Özəl, İQTİSADİYYAT -
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19.04.2024, 18:23 / Özəl, İQTİSADİYYAT