“Azərsu” ASC-nin sədrinin qohumlarının şirkətləri üzə çıxdı

OXUNUB: 1042 İQTİSADİYYAT SOSİAL

"Azərsu” ASC-nin sədri Qorxmaz Hüseynovun qohumlarının şirkətləri üzə çıxıb.

 
Pravda.az-ın xəbərinə görə, bu barədə jurnalist Həbib Müntəzir məlumat yayıb.


Oğlu Araz Hüseynov "Natural Aqro” MMC şirkətinin rəhbəridir. Həmçinin o "ABLV Bank”ın Bakı ofisi vasitəsilə bir çox Azərbaycan məmurlarının korrupsiyadan əldə etdikləri pulları xaricə daşıyıb.


Qardaşı Məhəmməd Cavanşir oğlu Hüseynov "Sənaye Tikinti-M" MMC-nin təsisçisidir. Bu MMC "Azərsu" üçün 1,5 mln manata Korgöz qəsəbəsinə su xətti çəkib.


Qaynı Namiq Cidalı oğlu Cəbrayılov "Hidro-İnşaat Servis" və "Hidro-Lotus" MMC-nin təsisçisidir. Türkiyədə də "Lotus" adlı şirkəti var. Ceyranbatan ultrasüzgəcli sutəmizləyici qurğunun layihəsi və tikintisi üçün 5 milyon manatlıq layihə məhz "Hidro-Lotus" MMC-yə tapşırılıb.

 
Q.Hüseynovun özünün də Bakının Nərimanov rayonunda villası var.

 
Yazıda adı keçən şəxslərin mövqeyini dərc etməyə hazırıq.

RƏYLƏR